Një hetues policor i krimeve ekonomike është arrestuar në natën e së mërkurës, në kryeqytetin kosovar.
Gazeta Express ka raportuar më herët se pranga i janë vënë Lavdim Osmanit.
Arrestimin e tij e ka konfirmuar drejtori i përgjithshëm i Policisë së Kosovës, Rashit Qalaj.
Aksioni i arrestimit është kryer nga Inspektorati Policor i Kosovës, ndërsa mësohet se Osmani ka qenë udhëheqës i Krimeve Ekonomike për Prishtinën.
Osmani ka udhëhequr një grup policësh të cilët dyshohet se u kanë vënë haraç bizneseve, sipas Insajderit.
Ai dyshohet se ka hetuar shumë kompani, për t’ua mbyllur më pas rastet vetëm në këmbim të parave.
Gjithashtu, thuhet se Osmani është djalë i tezës së drejtorit të Krimeve Ekonomike në Policinë e Kosovës, Bashkim Spahiu.
