Janë të paktën dy familje që dyshohet se kanë mbetur të bllokuara nën rrënojat e pallatit të shembur në qytetin e Durrësit, si pasojë e tërmetit me magnitutë 6.4.

Janë komshinjtë e banorëve të këtij pallati që tregojnë për gazetarin e Top Channel, Andi Bora, se janë të paktën 9 banorë që dyshohet se ndodhen ende nën rrënoja dhe të cilët nuk u përgjigjen në celular familjarëve të tyre.

Qytetarë të tjerë tregojnë në raportimin “live” në Top News se personat që jetonin në atë godinë, pranë Kryqit të Kuq, nuk po u përgjigjen thirrjeve.

Pamjet që vijnë nga Durrësi janë tronditëse.

Për godina të shembura raportohet edhe në Kavajë dhe Thumanë.

Tërmet i fuqishëm në Kosovë, epiqendra në Shqipëri 04:00

Një tërmet i fuqishëm prej 6.3 ballësh ka ndodhur në Shqipëri, me ç’rast u dëgjua edhe në Kosovë.

Tërmeti fillimisht u regjistrua në Shqipëri, më pas u dëgjua në Kosovë, Maqedoninë Veriore, Serbi, Kroaci, Greqi e Itali.

Shemsi Mustafa nga Instituti Sizmologjik ka thënë se pas tërmetit të parë kanë ndodhur edhe tre të tjerë më të vogël, raporton Koha.net.

Qendra botërore për mbikëqyrjen e tërmeteve ka njoftuar se epiqendra e tërmetit ishte në detin Adriatik, 10 kilometra afër Durrësit dhe me një magnitudë prej 6.3 ballësh.

Tërmeti i parë u shënua 6.3. Të tjerët 4.6, 4.4 dhe 4.0.