Për themeluesit e kompanive të teknologjisë u deshën disa përpjekje përpara se të startonin kompani të cilat do të linin gjurmë në industri.

Themeluesit e Tesla dhe Twitter, Elon Musk dhe Jack Dorsey, në fillim themeluan kompani të pasuksesshme përpara se të vinin me ide të cilat do të bëheshin emra të mëdhenj.

Ndërsa ka pasur prej atyre që kanë bërë miliona në të 20-tat, të tjerë si themeluesi Oracle Larry Ellison i themeluan në të 30-tat.

Ja mosha që themeluesit më të suksesshëm të teknologjisë startuan kompanitë e tyre të para:

Themeluesi i Tesla Elon Musk – 24 vjeç

Musk dhe vëllai i tij Kimbal themeluarn Zip2, një kompani e cila ofron guida qytetase për gazeta si Nju Jork Times dhe Chicago Tribune. Kompania e tyre u ble nga Compaq katër vite më vonë. Ai do të ndihmonte themelimin e disa kompanive të tjera si X.com që u shkri me PayPal, Tesla, SpaceX dhe The Boring Company.

Themeluesi i Facebook Mark Zuckerberg – 19 vjeç

Zuckerberg lançoi Facebook si “thefacebook” nga dhoma e tij e konviktit në 2004 në Universitetin e Harvardit. Ai la shkollën për tju përkushtuar plotësisht zhvillimit të rrjetit social.

Bashkëthemeluesi i Microsoft Bill Gates – 16 vjeç

Në shkollën e lartë, Gates dhe miku i tij Paul Allen lançuan një biznes të quajtur “Traf-o-Data”. Kompania automatizoi procesin e analaizimit të trafikut pë rrugët në Uashington. Kompania vijoi të operonte edhe pasi përfunduan shkollën derisa në 1975 lançuan Microsoft.

Themeluesi i Yahoo Jerry Yang – 25 vjeç

Yang u takua me bashkëthemeluesin e Yahoo David Filo në shkollës si studentë të Stanfordit në degën inxhinieri elektrike. Ata filluan të punonin në Yahoo si projekt për të ruajtur lidhjet e tyre të preferuara në internet. Në fund lançuan direktorinë online “Jerry and David’s Guide to World Wide Web” në 1994. Sajti mori 1 milionë vizita brenda vitit.

Bashkëthemeluesi i Twitter Jack Dorsey – 23 vjeç

Dorsey ka lënë shkollën dy herë. Kur ishte në Universitetin e Misurit ai hakoi uebsajtin e një kompanie quajtur Dispatch Management Services dhe gjeti dobësi sigurie. Themeluesi i kompanisë e ftoi ti bashkohej në Nju Jork dhe Dorsey nuk ngurroi. Së bashku ata lançuan një kompani të quajtur dNet në 1999. Dorsey do të krijonte Twitter vetëm gjashtë vite më vonë.

Themeluesi i Snapchat Evan Spiegel – 22 vjeç

Spiegel e hodhi idenë e Snapchat në një orë mësimi në Stanford në Prill të 2011-ës. Shokët e klasës e panë atë si ide të tmerrshme. Pak muaj më vonë Spiegel dhe Bobby Murphy dhe Reggie Brown lançuan Snapchat. Aplikacioni u quajt në fillim Picaboo dhe e ndërtuan nga shtëpia e Spiegel në Los Angeles. Ai la shkollën për tu rikthyer në 2018-ën dhe përfunduar atë.

Themeluesi i Alibaba Jack MA – 29 vjeç

Ma la punën e mësuesit të anglishtes në një universitet lokal për të lançuar një kompani të përkthimit quajtur Haibo Translation Agency. Në 1995 ai për herë të parë vizitoi SHBA dhe u has me kompjuterin e parë me internet.

Kërkimi i tij i parë online ishte “birrë” dhe gjeti se nuk kishte birrë Kineze në rezultatet e kërkimit. Atë ai mendoi themelimin e një kompanie interneti për Kinën që do të bëhej Alibaba.com.

Themeluesit e Google Larry Page dhe Sergey Brin – 25 vjeç

Themeluesi e Google u takuan në 1995 në Universitetin e Stanford. Brin ishte student i shkencave kompjuterike ndërsa Page po mendone të hynte në këtë fakultet. Të bashkë filluan të punonin në një projekt për të kataloguar çdo link në internet quajtur “BackRub.” Të dy lanë shkollën për të themeluar Google në 1998 në garazhin e CEO të YouTube Susan Wojcicki në Menlo të Kalifornisë.

Themeluesi i Oracle Larry Ellison – 32 vjeç

Allison la shkollën dy herë dhe punoi në disa punë në Kaliforni ku mësoi kompjuterin dhe programimin. Ai filloi punë në një kompani teknologjike quajtur Ampex ku do të krijonte një databazë për CIA. Ai dhe dy punonjës të tjerë Ed Oates dhe Bruce Scott u larguan nga kompania për të startuar një kompani databazash quajtur Software Development Laboratories. Shpejt siguruan një kontratë me CIA. Sistemi i menaxhimit të databazave u quajtur Oracle që mori emrin edhe kompania më pas.

Themeluesi i Apple Steve Jobs – 21 vjeç

Jobs dhe themeluesi tjetër i Apple Steve Wozniak kishin një shok të përbashkët përpara se të krijonin miqësi bashkë. Ata punuan bashkë në disa projekte teknologjike përpara se të shndërronin hobin e tyre në kompaninë Apple. Të dy punuan në garazhin e prindërve të Jobs. Komshitë shpeshherë shikonin Jobs të mbante takime jashtë garazhit në xhinse dhe këmbëzbathur.

Themeluesi i Amazon Jeff Bezos – 30 vjeç

Bezos la punën e tij në fondin D.E. Shaw për të lançuar Amazon.com që filloi si platformë për shitjen e librave. Ai udhëtoi në mbarë vendin me bashkëshorten e tij MacKenzie për të themeluar Amazon në Seattle. /PCWorld Albanian