OnePlus 7 ka tre kamera të pasme sipas një cicërime të re publikuar në rrjetin social Twitter nga vetë kompania.

Kamera e me tre sensorë do të mbetet ekskluzivitet vetëm i modelit më të shtrenjtë i cili ka edhe ekranin e shumëpërfolur me frekuencë rifreskimi prej 90Hz.

Gjithashtu imazhi i publikuar është i ngjashëm me ato që janë shpërndarë në internet. OnePlus 7 Pro do të debutojë 14 Maj në disa aktivitete që do të mbahen njëherazi në disa vende të botës.

Sa i përket kamerave tre sensorët mund të jenë: standard, telefoto dhe një kamër me kënd super të gjerë, një konfigurim i cili po bëhet standard tek të gjithë telefonët këtë vit.

Bells and whistles make noise. We make phones. #OnePlus7Prohttps://t.co/ViZaz53XXk pic.twitter.com/wIHg7fd7U4

— OnePlus (@oneplus) April 25, 2019

Po ekziston mundësi që njëra prej kamerave të jetë sensor thellësie, çka nuk do ta pëlqenim. Sensorët e thellësisë në telefonët Android sot po shndërrohet në shpërdorim hardueri.

Ndryshimi i sistemeve të kamerave do të jetë një rifreskim i mirëpritur duke qenë se nga OnePlus 6 në OnePlus 6T nuk ka ndryshuar gjë. Me këtë të fundit kompania aplikoi disa ndryshime softueri por ende mbetet pas krahasuar me kamerat e telefonëve të fundit në treg.

Gjithashtu OnePlus 7 dhe 7 Pro pritet të rrisin më tutje çmimin e telefonëve dikur shumë të leverdishëm. /PCWorld Albanian