Takimi i sotëm i presidentit amerikan Donald Trump dhe liderit të Koresë së Veriut, Kim Jong-un, siç edhe pritej ka shkaktuar shumë vëmendje publike.

Sipas kohës tonë, rreth orës 12:30 Trump dhe Kim u takuan dhe shtrënguan duart, dhe pastaj Trump bëri një deklaratë në të cilën ai vlerësoi liderin e Koresë së Veriut.

Por, siç shkruan Index.hr, përcjell Telegrafi, një detaj që ka rënë në sy, për të cilin deri më tani nuk ka një shpjegim, është një detaj interesant në momentet kur Trump dhe Kim u ulën përballën gazetarëve.

Siç thuhet tutje, sapo u ul, Kim e kishte vendosur dorën në një pozitë të panatyrshme dhe e mbajti në atë mënyrë gati deri në fund.

Ndryshe, darka e shtruar për nder të presidentit amerikan Donald Trump dhe liderit të Koresë së Veriut, Kim Jong-un në hotelin “Metropol” në Hanoi të Vietnamit, ka përfunduar pas plotë një orë e 42 minuta kurse samiti pritet të vazhdojë nesër.

Kryeqyteti i Vietnamit është nikoqir i samitit të dytë midis presidentit amerikan Donald Trump dhe Kim Jong Un, me samitin e të dyve, më 27-28 shkurt.

Sipas mediave të huaja, edhe këtë herë, siç ishte rasti me Samitin e vitit të kaluar në Singapor, asnjëri lider nuk qëndron në vendin e takimeve aktuale – në këtë rast “Sofitel Legend Metropole Hanoi”.

Siç thuhet tutje, Trump dhe Kim do të gëzojnë një darkë në hotelin Metropole më 27 shkurt, e përcjellë me një drekë më 28 shkurt.

Sipas burimeve të afërta me planifikimin e samitit, shkruan CNN, menyja do të përfshijë një përzierje të ushqimeve perëndimore dhe koreane të përgatitura nga kuzhinierët e vetë hotelit, së bashku me disa kuzhinierë koreanë. /Telegrafi/