Apple tronditi investitorët me lajmin se shitjet janë ngadalësuar dhe për këtë fajëson Kinën.

Në një lajmërim surprizë, prodhuesi i iPhone tha se për tre muajt e fundit të vitit të kaluar përmbyllur me 29 Dhjetor pret 84 miliardë dollarë të ardhura.

Në Nëntor Apple kishte parashikuar 89 miliardë dollarë të ardhura.

Vlera e aksioneve të kompanisë ra me 7% menjëherë pas njoftimit duke rritur rënien në 28% që nga Nëntor.

Sezoni festiv zakonisht është tre mujori më i fuqishëm i kompanisë. Krahasuar me të njëjtën periudhë një vit më parë të ardhurat kanë rënë me 5%.

Tim Cook thotë se parashikimet negative vinë si rezultat i rënies së të ardhurave në Kinë e cila përbën 20% të të ardhurave totale.

Një tjetër faktor që ka ndikuar në rënien e të ardhurave të Apple në tregjet e zhvilluara është numri i vogël i konsumatorëve që ka zgjedhur të blejë iPhone e rinj. /PCWorld Albanian