Ndonëse në një vend në Spanjë, edhe pse me shumë pak këmbësorë, ishte vendosur një vendkalim për këmbësorë rreth 40 metra i gjerë, ky ndoshta nuk do të ishte “i tepërt” për ndonjë vend tjetër me numër të madh të banorëve.

Kur flasim për numër të madh të banorëve, nuk mund të lëmë anash qytete si Tokio në Japoni, në të cilin, bashkë me rrethinë, supozohet se jetojnë rreth 30 milionë banorë.

Pikërisht në këtë qytet, supozohet të jetë vendkalimi më i madh për këmbësorë, përcjell Telegrafi.

Sipas të dhënave, edhe pse jo në të dhëna zyrtare, por kalimi i famshëm i Tokios, Shibuya konsiderohet kalimi më i ngarkuar në botë me mbi 3.000 këmbësorë, me çdo dritë jeshile në semafor, gjatë orëve të pikut.

Megjithatë, sipas të dhënave, pavarësisht kësaj, llogaritet se spanjollët janë njerëzit që ecin më së shumti në botë, sipas një studimi të vitit 2017 që përfshinte 30 vende.

Duke ecur mesatarisht 9,023 hapa në ditë i vë njerëzit spanjollë në krye të tabelës, por ende nën sasinë e rekomanduar të OBSH prej 10,000 hapash. /Telegrafi/