Sanjay Prasad është arrestuar në një stacion trenash në Indi, derisa ishte duke bartur 50 skelete njerëzish, për t’i dërguar në Kinë.

Policia në qytetin Bihar, që ndodhet në kufi me Nepalin, i gjeti të dyshuarit në valixhe 34 mbetje skeletore si dhe 16 kafka, transmeton Telegrafi.

Sipas burimeve policore, ka kërkesë të madhe nga studentët e mjekësisë, që duan të blejnë skelete origjinale njerëzish.

Ka dyshime se ai ishte pjesë e një grupi, që merret me ‘kontrabandimin e kufomave’ për t’i dërguar në Kinë nëpërmjet mbretërisë së Butanit.

Derisa po qëndronte në mbajtje, policia ia ka kontrolluar telefonin, ku ka gjetur dëshmi të veprimtarisë së tij ilegale.

Ende nuk dihet se ku janë marrë skeletet, ndërsa është thënë se pas identifikimit të tyre do të kthehen sërish ku ishin më parë. /Telegrafi/