Maurizio Sarri është bërë trajneri i parë në histori të Ligës Premier që nuk humbet në 12 ndeshjet e para në sezonin e tij debutues.
Italiani ka thënë se është i lumtur për rekordin, por më shumë do të ishte sikur Chelsea të fitonte ndaj Evertonit.
“Jam krenar për rekordin, duhet të falënderoj klubin që më ka krijuar një skuadër të fortë, si për lojtarët dhe gjithë stafin tim”.
“I lumtur se arrita rekordin, por do preferoja tri pikë ndaj Evertonit”, ka thënë Sarri.
Pas këtij barazimi Chelsea renditet në vendin e tretë me 28 pikë, katër më pak se Manchester City dhe dy se Liverpooli.
Ndeshja e ardhshme e Bluve është kundër rivalit lokal, Tottenham Hotspur.
Sarri iu bashkua Chelseat në verë nga Napoli. /Telegrafi/
