Chelsea ka fituar në udhëtim me rezultat të pastër 3-0 ndeshjen e javës së parë të Ligës Premier ndaj Huddersfield Town.
Skuadra e drejtuar nga trajneri italian, Maurizio Sarri, e ka nisur sezonin e ri në Ligën Premier me fitore të lehtë në udhëtim.
Sarri e nis me fitore aventurën në Ligën Premier (Getty Images)
Pjesa e parë e ndeshjes i takoi në tërësi vendasve, të cilët dominuan në çdo minutë dhe pjesë të fushës, teksa shënuan edhe dy gola.
Goli i parë i Bluve në këtë sezon erdhi në minutën e 34-të të ndeshjes dhe u shënua nga N’Golo Kante, i cili u asistua nga Willian.
Kante shënoi një gol të bukur (Getty Images)
Në minutën e fundit të pjesës së parë ishte i ardhuri këtë verë nga Napoli, Jorginho, i cili shënoi nga pika e bardhë për 2-0.
Jorginho debuton me gol në Ligën Premier (Getty Images)
Edhe pjesa e dytë foli në të mirë të Bluve, të cilët vazhduan të dominojnë dhe menaxhojnë lojën, teksa shënuan edhe një gol.
Festa e Pedros me Hazardin (Getty Images)
Pas disa rasteve të mira të krijuara, por që nuk rezultuan me gol, në skenë doli Pedro Rodriguez, i cili në minutën e 80-të shënoi për 3-0 dhe vulosi fitoren dhe rezultatin përfundimtar.
Në javën e ardhshme, Blutë i presin në Stamford Bridge rivalët lokal të Arsenalit, ndërsa Huddersfield udhëton te Manchester City. /Telegrafi/
80′ | Huddersfield 0-3 Chelsea
⚽️ Pedro 80′
👟 Hazard#HUDCHE
pic.twitter.com/y1M8NyG9LP— Chelsea FC Türkiye (@fcchelseaturkey) August 11, 2018
