Zlatan Ibrahimovic ka vazhduar shkëlqimin në futbollin amerikan.
Sulmuesi suedez ka qenë vendimtar në fitoren e skuadrës së tij Los Angeles Galaxy në përballje me Orlando Cityn 4-3.
Fillimisht Ibrahimovic u përkujdes në pjesën e parë për të asistuar tek Dos Santos që barazoi shifrat në 1-1, por që Orlando shënoi përsëri për të shkuar në pushim me 1-2.
E në pjesën e dytë filloi shfaqja nga Mbreti Zlatan, i cili për 24 minuta arriti të shënonte tre gola në portën e Orlandos.
Fillimisht në minutë e 47-të barazoi rezultatin në 2-2 pasi shënoi me kokë pas asistimit nga Dos Santos.
Në minutën e 67-të, Ola Kamara i dhuroi një top të mrekullueshëm Ibras i cili përsëri shënoi me kokë dhe përsëri barazoi rezultatin kësaj radhe në 3-3.
What a night at @StubHubCenter. pic.twitter.com/IabwohekcH
— LA Galaxy (@LAGalaxy) July 30, 2018
Suedezi e kompletoi het-trikun katër minuta më vonë, kur me një goditje tejet të fuqishme shënoi në portën e Orlandos.
Ky ishte het-triku i parë i Ibrahimovicit në kampionatin amerikan që pas transferimit nga Manchester United.
Me tre golat e shënuar, Ibrahimovic ka arritur në koutën e 15 golave në MLS në vetëm 17 ndeshje të zhvilluara.
Pas kësaj fitore LA Galaxy është ngjitur në pozitën e tretë në tabelë me 35 pikë të grumbulluara, një më pak se Los Angeles dhe shtatë më pak se lideri FC Dallas. /Telegrafi/
15 goals in 17 #LAGalaxy appearances.
Witness @Ibra_official‘s first hat trick in @MLS ⬇️ pic.twitter.com/KNGqoOFxHq
— LA Galaxy (@LAGalaxy) July 30, 2018
