Pas një pushimi të vogël nga Kampionati Botëror ‘Rusia 2018’, rikthehen përballjet e skuadrave të mëdha.
Por, para se të fillojnë ligat e mëdha evropiane, koha është për miqësoret.
Në këtë vikend në kuadër të turneut miqësor International Champions Cup do të kemi shumë përballje interesante.
E para ishte ajo mes Arsenalit dhe Paris Saint Germainit, e cila u fitua me rezultat 5-1 nga Topçinjtë.
Nga ora 19:00 luajnë Benfica dhe Juventusi, kurse një orë më vonë Chelsea me Interin.
Nga ora 23:00 këtë të shtunë është koha për Manchester Unitedin dhe Liverpoolin.
Ndërsa në orët e para të së hënës, më saktë nga ora 01:00 luajnë Bayern Munich – Manchester City, kurse katër orë më vonë Barcelona me Tottenhamin.
Të hënën nga ora 13:30 PSG luan ndaj Atletico Madridit. /Telegrafi/
This weekend 💯 pic.twitter.com/1H8BPPs3pl
— B/R Football (@brfootball) July 28, 2018
