Atletico Madridi i është bashkuar Sevillas për Nikola Kalinic.

Por, problem paska është çmimi prej 25 milionë eurove i vendosur nga Milani.

Kroati dëshpëroi me paraqitjet e tij te klubi nga San Siro, që kur erdhi nga Fiorentina në verën e kaluar shënoi vetëm gjashtë gola dhe dhuroi gjashtë asistime në 41 paraqitje në të gjitha garat.

Nikola Kalinic gjatë një dueli me Shkodran Mustafin në ndeshjen e Ligës së Evropës në San Siro (Foto: Getty Images)

Tashmë Sevilla ka bërë ofertë në vlerë prej 14 milionë eurove, por oferta është refuzuar nga Rossonerët.

Por, sipas Calciomercato.it, tani garës i është futur edhe Atletico Madridi.

Gjithmonë sipas burimit të lartpërmendur, interesimi i klubit nga Madridi është aq serioz sa trajneri Diego Simeone ka tentuar të flas me Kalinicin personalisht.

Në të kaluarën 30-vjeçari ishte pjesë edhe e Blackburn Rovers, Dnipro Dnipropetrovsk, kurse karrierën e ka filluar te Hajduk Spliti. /Telegrafi/