Anësori i Chelseat, Willian ka përfunduar në radarin e skuadrës spanjolle, Atletico Madrid.

Manchester Unitedi tani ka një rival të fortë në garën për shërbimet e anësorit të Chelseat, Willian.

Sipas mediumit spanjoll Gol Digital, gjiganti spanjoll, Atletico Madridi po mendon transferimin e yllit brazilian.

Atletico do të mundohet të shfrytëzojë mos kualifikimin e Chelsea në Ligën e Kampionëve për të bindur 29-vjeçarin për tu transferuar në Spanjë.

Willian duke festuar një gol me fanellën e Chelseat (Getty Images)

Willian ka shënuar gjashtë gola dhe shtatë asistime këtë sezon në Ligën Premier edhe pse nuk ka qenë një titullar fiks.

Këto statistika dhe eksplosiviteti i tij në krahët e sulmit bëjnë që lojtari të pëlqehet në masë të madhe nga dy trajnerët, Jose Mourinho dhe Diego Simeone.

Trajneri argjentinas i Atleticos raportohet se do yllin e Chelseat për krahun e majtë, aty ku ka lënë zbrazëti Yannick Carrasco pas largimit drejt Kinës.

Anësori brazilian shihet edhe si zëvendësues i Antoine Griezmann, i cili pritet të largohet gjatë verës nga Wanda Metropolitano. /Telegrafi/