Me rezultat 1-0, Roma ka fituar si mysafir i Cagliarit në ndeshjen e vlefshme për javën e 36-të në Serie A.

Giallorossët janë në kërkim të një vendi që dërgon në Ligën e Kampionëve dhe akoma janë në konkurrim me Lazion dhe Interin, pasi tri ekipe luftojnë për dy vende.

(Foto: Getty Images)

Goli i vetëm në këtë takim u realizua në pjesën e parë. Cengiz Under pranoi një top nga Edin Dzeko dhe shënoi një gol të bukur (15′).

Në pjesën e dytë, mysafirët arritën që ta mbronin rezultatin dhe të nxirrnin pikë të plota nga kjo përballje.

(Foto: Getty Images)

Ndërsa dy xhiro pa përfunduar kampionati, Roma është katër pikë më larg se Interi që pozicionohet në vend të pestë në tabelë.

Ky triumf është një hap i madh për ekipin e Eusebio Di Francescos, pasi është shmangur me dy pikë ndaj Lazios që ndodhet në vend të katërt.

Në xhiron e ardhshme, Roma është nikoqir i liderit dhe kampionit në fuqi, Juventus.

Nga ana tjetër, Cagliari është mysafir i Fiorentinas dhe do të vazhdojë ta kërkojë mbijetesën në elitë. /Telegrafi/