Kryeministri Ramush Haradinaj ka uruar të gjithë për dhjetëvjetorin e Pavarësisë përderisa ka thënë se Kosovën po e presin tema që kërkojnë trajtim të kujdesshëm.

“Vendimet e drejta e të mëdha po kërkojnë implementim. Ne duhet të jemi të kujdesshëm të implementojmë vendimet e marra dhe të gjejmë zgjidhje për të gjitha temat që na presin” deklaroi Haradinaj.

Kryeministri shprehu falënderimin dhe respektin për të gjithë ata që janë flijuar ndër breza që Kosova të arrijë këtu.

Ai ndër të tjera uroi edhe BE-në, KFOR-in dhe organizatat ndërkombëtare për “anëtarin më të ri që po ju vjen”.

Këto komente Haradinaj i bëri gjatë fjalimit në pritjen shtetërore të organizuar nga Presidenca për nder të dhjetëvjetorit të Pavarësisë së Kosovës.