Arsenali është duke u përgatitur për largimin e Arsene Wengerit në fund të sezonit, ndërsa Carlo Ancelotti është favorit për ta zënë vendin e tij.

Strategu francez është vënë sërish nën presion pas eliminimit nga Kupa FA nga Nottingham Foresti dhe zyrtarët e klubit janë duke menduar për një trajner të ri.

(Foto: Getty Images)

Këtë edicion Topçinjtë nuk marrin pjesë as në Ligën e Kampionëve, ndërsa Liga Premier në këto vitet e fundit është dukur si objektiv i paarritshëm.

Tifozët e Arsenalit ka kohë që po kërkojnë një trajner tjetër, ndërsa klubi në edicionin e kaluar ia vazhdoi kontratën 68-vjeçarit edhe për dy sezone.

Sidoqoftë, gjasat janë që ai mos ta përfundojë kontratën dhe në verë mund t’i tregohet dera.

(Foto: Getty Images)

Sipas Evening Standard, Ancelotti është një kandidat serioz për ta marrë drejtimin e Arsenalit.

Strategu italian është duke pushuar që prej largimit nga Bayern Munichu, ndërsa në Angli e ka drejtuar skuadrën e Chelseat.

(Foto: Getty Images)

Ai ka përvojë të madhe në fitimin e titujve, në mes tyre edhe Ligën e Kampionëve (dy herë me Milanin dhe një herë me Real Madridin.

Krahas trofeve të fituara në të gjitha vendet ku i ka drejtuar skuadrat, Ancelotti e ka fituar edhe Ligën Premier me Chelsean. /Telegrafi/