Pas festave të fundvitit institucionet kanë filluar t’i heqin dritat dhe zbukurimet nëpër sheshe dhe rrugë të ndryshme, por kjo nuk po ndodhë edhe me këtë “bredh’’ të cilën banorët e lagjes Tophane në Prishtinë e kanë “stolisur” me mbeturina, e ku nuk mungojnë edhe të brendshme, duke i hedhur ato nga dritaret dhe ballkonet e banesave të tyre.

Banorët fajësojnë njëri tjetrin për hedhje të mbeturinave dhe gjësendeve të ndryshme të grumbulluara me vite përderisa ata thonë se kjo pamje është e shëmtuar dhe për këtë janë ankuar edhe në komunë por që ende nuk janë marrë masa./Indeksonline/