Miralem Pjanic i ka vënë në pah dallimet ndërmjet Romës dhe Juventusit dhe ambiciet e tyre për titull.

Ish-mesfushori i Giallorossëve ka folur në një intervistë për revistën Undici para derbit të fundjavës ndërmjet kryeqytetasve dhe Zonjës së Vjetër.

“Këtë vit janë shumë skuadra të mira që po luftojnë për Scudetto: Napoli, Interi, Roma dhe Lazio. Të gjithë duan që ta ndalin Juven nga triumfet dhe kjo gjë na jep motivim shtesë”.

“Ne shpresojmë të festojmë përsëri në maj, sepse objektivi kryesor i joni është Scudetto. Duam të bëjmë diçka të jashtëzakonshme duke e fituar titullin e shtatë radhazi. Do të ishte vërtet mahnitëse”.

“Njerëzit mendojnë se për Juven fitoret janë të lehta. Në të vërtetë, në i kushtojmë shumë kohë punës sonë dhe sakrifikojmë secilën ditë”.

“Kur isha te Roma, bënim futboll shumë të mirë dhe gjithmonë i thoshim vetes: ‘Ky është viti i duhur, ne jemi të fortë’”.

“Megjithatë, pastaj vinin ndeshje që tregonin se nuk ishim të përgatitur. Juve është gjithmonë prezent dhe i gatshëm për çdo sfidë”.

“Kur gazetat shkruajnë lajme për përçarje në zhveshtore, është vetëm një përpjekje e tyre për të na destabilizuar. Grupi është gjithmonë i bashkuar dhe përbëhet nga njerëz të përgjegjshëm që janë në gjendje të flasin me njëri-tjetrin edhe kur gjërat nuk shkojnë si duhet”, ka deklaruar Pjanic. /Telegrafi/