Jurgen Klopp mund të rikthehet në Gjermani pasi ai është futur në listën e ngushtë të trajnerëve, që mund ta marrin drejtimin e klubit në qershor.

Mediat gjermane bëjnë me dije se momentalisht, trajneri i “The Reds”, mund të largohet në fund të sezonit, shkaku i kritikave të shumta në drejtim të tij.

Kjo i hap rrugën një rikthimi në Gjermani, te skuadra gjigante Bayern Munich.

Momentalisht bavarezët drejtohen nga Jupp Heynckes, i cili ka një marrëveshje me drejtuesit e klubit deri në fund të sezonit.

Klopp ka besimin e Bayern Munich

Klopp është një personazh shumë i respektuar në radhët e Bayernit, kështu që në verën e ardhshme palët mund të nisin bisedimet.

Por ai nuk është i vetmi në listë, pasi aty gjenden edhe dy trajnerë gjermanë të njohur.

Ish trajneri i Borussia Dortmund, Thomas Tuchel, ka po ashtu pëlqim në klubin bavarez.

Tuchel, po ashtu në listë

I fundit, por jo për nga rëndësia në listë është Joachim Low.

Trajneri i Gjermanisë, ndër më të mirët në qarkullim

Për trajnerin aktual të “Pancerave” bisedimet duken shumë më të komplikuara, pasi ai ka kontratë me Gjermaninë deri në vitin 2020. /Telegrafi/