Presidenti i UFC-së, Dana White, ka dhënë një deklaratë shokuese në mëngjesin e sotëm.

Sipas tij Conor McGregor mund të mos ngjitet më në kafaz.

“Ne po negociojmë me të, por nuk e dimë nëse ai ka dëshirë të rikthehet më në kafaz. Ai fitoi 100 milionë dollarë nga një ndeshje boksi, çfarë kërkoni më shumë”.

“Ka njerëz që punojnë gjithë jetën, duke u bërë avokatë dhe nuk i fitojnë dot gjithë ato parà. Paraja ndryshon gjithçka, megjithatë ne do të vazhdojmë të bisedojmë me të”.

Conor McGregor ndaj Nate Diaz /Getty Images)

“Sa herë që flasim për Conor McGregor asnjëherë nuk e dimë se si do të shkojnë ngjarjet. Është unik, e dua shumë atë djalë, është argëtues… por kur sheh se ka bërë gjithë ato parà, të cilat i ka merituar”.

“Ne nuk mund ta paguajmë Conor aq shumë sa ai kërkon”.

Conor McGregor gjatë matjeve në UFC /Getty Images)

Ai u shpreh se dënimi që ka marrë irlandezi, pas incidentit në Bellator 187, kur u ngjit në kafaz dhe sulmoi e ofendoi gjyqtarin, nuk ka lidhje me situatën e krijuar.

“Ne donim që ai të kthehej në kafaz në fund të këtij viti, por Conor nuk ishte gati”, ka thënë në fund Dana White.

McGregor gjatë meçit (Photo by Steve Marcus/Getty Images)

Që nga viti 2016, irlandezi nuk ka zhvilluar asnjë meç në UFC, kur ishte shpallur kampion. /Telegrafi/