Kombëtarja e Kroacisë e ka mposhtur atë të Greqisë me rezultat të thellë 4-1 në ndeshjen e parë të “Play-Off”-it për kualifikimin në Kupën e Botës “Rusia 2018”.
Kroacia ka shfrytëzuar terrenin vendas për të fituar me rezultat të thellë ndaj Greqisë dhe për t’i afruar një hap kualifikimin për në Kupën e Botës.
Goli i parë i ndeshjes erdhi qysh në minutën e 13-të dhe ishte kapiteni Luka Modric, i cili u tregua i saktë nga penalltia për epërsinë 1-0.
Modric u tregua i saktë nga penalltia (Getty Images)
Nuk vonoi shumë erdhi edhe goli i dytë nga kroatët, të cilët në minutën e 19-të shënuan me anë të sulmuesit Nikola Kalinic për 2-0.
Greqia arriti të kthehet në lojë në minutën e 30-të me golin e Sokratisit, por kroatët shënuan tre minuta më vonë me Ivan Perisic, i cili dërgoi skuadrat në pushim me rezultat 3-0.
Festa e Perisicit (Getty Images)
Në pjesën e dytë, Kroacia arriti të menaxhoj mirë lojën, por edhe të shënoj një gol tjetër për të siguruar fitoren e thellë.
Kramaric vulosi rezultatin përfundimtar (Getty Images)
Ishte sulmuesi Andrey Kramaric, i cili shënoi nga afërsia për 4-1 dhe vulosi rezultatin përfundimtar dhe fitoren e madhe të Kroacisë.
Me këtë fitore, Kroacia i afrohet një hap më shumë kualifikimit, ndërsa ndeshja e kthimit zhvillohet në Greqi në të hënën e javës tjetër. /Telegrafi/
Nikola Kalinic’in Yunanistan’a attığı şık gol pic.twitter.com/3VYQIDv7x2
— Gamaspor (@gamaspor) November 9, 2017
2-1 y Grecia tiene vida gracias al gol de Sokratis #RepechajeRusia2018 pic.twitter.com/FwkloAzEwc
— Al Deporte (@Al_Deporte) November 9, 2017
Grande #perisic #CroaziaGrecia pic.twitter.com/zRi2zwnN0C
— Stefano (@stes75) November 9, 2017
