Një grup gurmanësh nga Kanadaja kanë hapur një restorant në të cilin punojnë persona të infektuar me HIV, dhe e gjithë iniciativë është ndërmarrë me shpresë së do të zhduken paragjykimet rreth këtij virusi të shumëpërfolur, raporton Reuters.

Restoranti është hapur në Toronto, kurse kuzhinieri kryesor është gjithashtu i infektuar me virusin HIV. Pronarët shpresojnë që me këtë veprim do të demantohen thashethemet se ky virus mund të bartet tek tjerët përmes ushqimit, transmeton Telegrafi.

Të punësuarit mbajnë përparëse në të cilat janë shkruar porositë: “puthe kuzhinierin me HIV pozitiv” dhe “kam fituar HIV-in nga pastat”.

Ideja për të hapur një restorant të tillë kishte lindur gjatë muajit të kaluar, kur pas një hulumtimi të kryer, qindra persona janë deklaruar se me dëshirë do të hanin ushqim që do të përgatitej nga duart e një personi të infektuar me HIV.

Hyrjet për këtë restorant të përkohshëm janë shitur për më pak se dy javë.

“Dëshirojmë që një gjë të tillë ta realizojmë edhe në New York, San Francisco dhe Londër”, kanë deklaruar pronarët e restorantit. /Telegrafi/