Protesta kundër dënimit të Grupit të Kumanovës ende po vazhdon (ora 13 e 30) në sheshin “Ibrahim Rugova” në Prishtinë.

Familjarët e të dënuarve dhe qytetarë të tjerë po kundërshtojnë shpalljen e aktgjykimit ndaj grupit.

Për të diskutuar me protestuesit nga ndërtesa e qeverisë ka dalë edhe kryeministri Ramush Haradinaj, raporton Indeksonline.

Ai ka shprehur shqetësimin e tij për vendimin e gjykatës po u ka thënë familjarëve të të dënuarve se mos të nguten sepse nuk i ka dënuar zoti por njeriu.

Me këtë Haradinaj iu ka dhënë shpresë familjarëve se vendimi mund të ndryshohet në të ardhmen.

Familjarët e kanë mirëpritur vizitën e kryeministrit i cili në fund iu kërkoi që nga një familjar për të burgosur mund të shkoi në zyrën e tij për të diskutuar më gjatë për këtë rast.