Fotoreporteri i Indeksonline, Blerim Uka është liruar pas më shumë se 6 orë e gjysmë mbajtje arresti në Maqedoni.
Në një intervistë dhënë pas lirimit, për TV 21, Uka ka treguar sjelljen e zyrtarëve maqedonas gjatë kohës sa ishte mbajtur në arrest.
“Vetëm kemi qëndruar aty, 2-3 persona na kanë pyetur. Vonë na kanë dhënë nga një gotë ujë. Nuk është e arsyeshme të të mbajnë për një fotografi. Diku 10 persona kanë ardhur për ta kontrolluar aparatin. Kam pasur vështirësi shumë në gjuhë deri ka ardhur një përkthyes. U detyrova të nënshkruaj në qirilicë, një gjuhë që nuk e di, dëshmimin tim. Nuk jam i sigurt çka kanë mundur të shkruajnë”, ka thënë ai.
