Real Madrid është mposhtur për herë të parë në këtë sezon në Ligën e Kampionëve, e cila vjen pas 30 ndeshjeve pa humbje në grupe. 

Madrilenët u mposhtën si mysafirë të skuadrës angleze Tottenham Hotspurs me rezultat 3-1, ku shkëlqeu me dygolësh Dele Alli.

Londinezët gjatë gjithë ndeshjes treguan lojë të bukur, e cila u shpërblye me fitore që u siguroi kalimin e fazës së grupeve.

Luka Modric për herë të parë para shikuesve që për katër vjet e duartrokiten

Golin e parë për të besuarit e Mauricio Pochetinos e shënoi super mesfushori me tipare sulmuese, Dele Alli.

Ky i fundit realizoi gol pas një pasimi të saktë të Tripper, i cili ishte në pozitë jashtë loje në momentin e pranimit të topit në të 27 minutë.

Edhe në pjesën e dytë vendasit realizuan sërish përmes Allit, i cili shënoi pas në solo aksioni dhe devijimit të topit nga Sergio Ramos.

Dele Alli golashënues i dyfishtë në fitoren e “Gjelave”

Nuk kaluan nëntë minuta kur pas një sulmi mirë të organizuar të Spursave, Harry Kane pasoi saktë te danezi, Christian Erikssen, i cili realizoi golin e tretë për britanikët.

Dhjetë minuta para fundit të takimit, Cristiano Ronaldo shfrytëzoi hutinë e krijuar në radhët e mbrojtësve të vendasve dhe shënoi golin e gjashtë këtë sezon në këtë garë prestigjioze evropiane për klube.

Deri në fund të ndeshjes te dyja skuadrat patën edhe disa raste për shënim, por të cilat nuk u shfrytëzuan dhe kështu, ndeshja përfundoi 3-1 për Hotspurs.

Pas kësaj, Tottenham zë pozitën e parë të renditjes tabelore të grupit H me dhjetë pikë ndërsa Reali ka shtatë pikë dhe gjendet në vendin e dytë. /Telegrafi/