Faye Gardiner nga Gloucestershire e Anglisë, ka sjellë në jetë binjakët që peshojnë së bashku afër tetë kilogramë, duke i bërë kështu binjakët me peshën më të madhe, që kanë lidhur deri më tani në Britani të Madhe.
Nëna 33-vjeçare, që lindi djemtë Joseph dhe Lucas, kishte bërë kontrollet e rregullta gjatë shtatzënësisë, por nuk i ishte thënë asgjë për peshën e të pa lindurve, transmeton Telegrafi.
“Në momentin që lindi i pari, mjekët nisën të flasin me zë të lartë dhe mendova se diçka nuk ishte në rregull. Më vonë kuptova se ishte shkaku i peshës”, ka thënë Gardiner lidhur me rastin.
Derisa në lindjet e binjakëve, bebet nuk peshojnë më shumë se dy kilogramë e gjysmë, ky rast ka befasuar mjekët dhe ekspertët, pasi ata kanë pothuajse dyfishin e peshës. /Telegrafi/
