Neymar ka humbur një betejë ligjore me ish-skuadrën, Barcelonën.
Sipas gazetës spanjolle, AS, Federata Evropiane e Futbollit ka hedhur poshtë padinë e brazilianit ndaj katalunasve.
Reprezentuesi i Brazilit i kishte kërkuar UEFA-s që të përjashtojë Barcën prej Ligës së Kampionëve për mos respektim të marrëveshjes financiare.
Në fakt, sulmuesi pretendon se blaugrant i kishin borxh babait të tij rreth 26 milionë euro në formë bonusesh.
Por, UEFA nuk e ka marrë parasysh kërkesën e brazilianit duke hedhur poshtë pretendimet e lojtarit.
Theksojmë se futbollisti është në Brazil, ku është grumbulluar me kombëtaren për kualifikueset e botërorit “Rusia 2018”.
Ndryshe, Neymar u transferua gjatë afatit kalimtar të verës te Paris Saint-Germanin për një shumë rekord prej 222 milionë euro. /Telegrafi/
