Hatem Ben Arfa është duke e menduar mundësinë që ta dërgojë në gjyq Paris Saint-Germainin, për trajtimin që janë duke ia bërë.
Pasi e ktheu në binarë karrierën e tij me Nicen në sezonin 2015/16, ish lojtari i Newcastle United, pati nënshkruar me klubin parisien si transferim i lirë.
Kalimi i tij te PSG, shihej si mundësi e mirë për ta parë francezin të luaj në nivele të larta, por emërimi i Unai Emery si trajner, i doli gjë e keqe.
Trajneri spanjoll thjesht nuk beson te 30-vjeçari, pasi ai ka bërë vetëm pesë paraqitje në Ligue 1 nën drejtimin e tij.
Asgjë nuk ka ndryshuar këtë sezon, pasi marrëdhënia mes lojtarit dhe trajnerit është përkeqësuar, ku ish trajneri i Sevilla e ka lënë francezin jashtë skuadrës së Ligës së Kampionëve.
Gjatë prezantimit te PSG
Përveç kësaj, Ben Arfa është detyruar të stërvitet me ekipin rezervë të PSG.
Kjo situata e ka detyruar lojtarin që t’i drejtohet avokatit të tij, i cili pritet të ankohet në Federatën Franceze të Futbollit.
Avokati Jean-Jacques Bertrand, në një intervistë për L’Equipe, e ka treguar situatën.
“Ata po përdorin metoda psikologjike kundër tij, i kanë thanë atij se ai nuk do të jetë pjesë e turneut para sezonal në SHBA vetëm një ditë para se ai të ishte bërë gati për të udhëtuar”.
Ben Arfa si pjesë e PSG-së
Ben Arfa ka kontratë trevjeçare me klubin nga Parc des Prince.
Liderët aktualë të Ligue 1 kanë pasur edhe më parë një histori të ngjashme në vitin 2011 me Peguy Luyindulan.
Antoine Kombouare ishte trajner në atë kohë dhe lojtarit i kishte dhënë lajmin se duhet të luante me rezervat, para se ai të bëjë një ankesë kundër klubit në federatë. /Telegrafi/
