Ish-presidentët amerikanë Barack Obama, George W. Bush dhe Bill Clinton, kanë marrë pjesë gjatë javës së kaluar në garën nacionale të golfit e njohur ndryshe si “kupa presidenciale”, me ç’rast kanë bërë një selfie e cila me shpejtësi të madhe është shpërndarë në internet.
Dhe derisa ekipet amerikane po luanin, kurse tifozët e tyre brohorisnin, në Twitter është shfaqur nga askund një selfie e golfistit të njohur amerikan Fill Mickelson me tre ish-presidentët amerikanë, transmeton Telegrafi.
When you can take a selfie with three US Presidents, you do it!! pic.twitter.com/E3pNlZ07gs
— Tim Mickelson (@goodwalkspoiled) September 28, 2017
Ai këtë fotografi e ka postuar në profilin e vëllait të tij Tim Mickelson, me një koment interesant përbri saj: “ai momenti kur të jepet mundësia të fotografohesh me tre presidentët amerikanë”.
Kjo foto shumë shpejt është shpërndarë në internet, kurse enigma kryesore ishte kush është personi që e ka bërë këtë foto, të cilit në fotografi i shihet vetëm gjysma e kokës. Megjithatë misteri shumë shpejt u zgjidh. /Telegrafi/
