‘Alternativa’ e Mimoza Kusarit dhe Ilir Dedës sot ka prezantuar para medieve kandidatin e saj për deputet nga qyteti i Prizrenit, Kastriot Jahaj.
Jahaj u shpreh se koalicioni të cilit ai i takon është edhe mundësia më e mirë e zgjedhjes më 11 qershor.
“Qytetarët tani nuk kanë nevoje t’i votojnë politikanët që janë të korruptuar. Koalicioni LDK-AKR-Alternativa tani është mundësia më e mirë”, tha Jahaj, përcjell gazetametro.net
Ai ka shtuar se Mimoza Kusari-Lila dhe Ilir Deda tashmë e kanë dëshmuar që marrin vendime në të mirën e vendit dhe qytetarëve.
“Prizreni vazhdimisht është keqpërdorur dhe shfrytëzuar vetëm në kohë fushatash, Prizreni ka nevojë për përfaqësim të dinjitetshëm në Kuvendin e Kosovës, dhe për politikanë që nuk i vjedhin qytetarët. I ftoj të gjithë qytetarët e Prizrenit të votojnë Alternativën dhe të më votojnë mua si deputet”, tha ai ndër tjerash.
‘Alternativa’ garon në listën zgjedhore të koalicionit LDK-AKR, në zgjedhjet e jashtëzakonshme parlamentare të 11 qershorit.
