U.D. Presidentja e Republikës së Kosovës, Albulena Haxhiu, mori pjesë sot në pritjen lamtumirëse të organizuar me rastin e përfundimit të misionit diplomatik të Ambasadorit të Zvicrës në Kosovë, Jürg Sprecher.
Me këtë rast, përmes një njoftimi, u.d. Presidentja Haxhiu shprehu mirënjohjen e saj për punën, përkushtimin dhe kontributin e ambasadorit Sprecher në forcimin e marrëdhënieve dypalëshe dhe bashkëpunimit ndërmjet Republikës së Kosovës dhe Konfederatës Zvicerane.
Ajo e falënderoi ambasadorin për angazhimin e tij gjatë mandatit në Kosovë dhe i uroi suksese në detyrat e ardhshme, duke shprehur bindjen se miqësia dhe partneriteti i shkëlqyer ndërmjet Kosovës dhe Zvicrës do të vazhdojnë të thellohen edhe në të ardhmen.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
