Ministri i Punëve të Brendshme, Skënder Hyseni, gjatë raportimit para Komisionit për Integrime ka bërë të ditur se për arsye politike dikush ka dashur ta eliminonte. Por, ai nuk dha detaje të hollësishme për këto pretendime.
“Secilit që i teket merret me vrasjet politike, ky është një diskurs që duhet të shmanget. Njëherë dikush më ka telefonuar dhe më tha më fal se kam dashtë me të vra”, tha Hyseni.
Ministri në fjalën e tij theksoi se tentim-vrasjet dhe vrasjet politike duhet të trajtohen dhe të zbardhen sa më parë, njofton “Klan Kosova”.
Duke shtuar se sistemi i drejtësisë në Kosovë nuk ka kryer punën si duhet duke përfshirë këtu dhe UNMIK-un, Hyseni përfundoi se zgjidhjet e përkohshme asnjëherë nuk janë zgjidhje.
