Gjatë një bisede për “Kohën Ditore”, në kuadër të Forumit të Sigurisë i mbajtur javën e kaluar në Beograd, Glenny është shprehur se dialogu do të futet në një fazë të vështirë dhe të paparashikueshme.

“Mendoj se popujt nga të dyja anët kërkojnë që të veprohet me kujdes në procesin e dialogut. Problemi i “Trepçës” është vetëm në fillim, prandaj duhet gjetur mënyra të arsyeshme për ta zgjidhur këtë problem”, ka thënë Glenny. Sipas tij, në botën moderne ekonomia e tregut është e hapur dhe se ai nuk i takon ekskluzivisht vetëm një vendi apo qeverie.

Për “Trepçën” dhe problemet në dialogun Kosovë-Serbi ka folur edhe James Ker Lindsay, profesor në Institutin e Londrës për Shkenca Politike dhe Ekonomi (LSE).

Ai ka thënë se çështja e “Trepçës” në mënyrë të pashmangshme do t’i përkeqësojë marrëdhëniet midis Beogradit dhe Prishtinës, në periudhë afatshkurtër. Sipas tij, “Trepça” ka qenë gjithmonë çështje shumë e ndjeshme, por që nuk është adresuar asnjëherë.