Kandidatja për presidente Vjosa Osmani ka vizituar Shtëpinë e të Moshuarve në Suharekë në ditën e Kurban Bajramit.
Përmes, një postimi në profilin e saj në rrjetin social Facebook, Osmani ka shkruar se një shoqri që harron të moshuarit e saj, humb shpirtin.
Ndërsa, një shtet që nuk ua kthen dinjitetin atyre që sakrifikuan gjithçka, humb kuptimin.
Postimi i saj i plotë:
Një shoqëri që harron të moshuarit e saj, humb shpirtin. Një shtet që nuk ua kthen dinjitetin atyre që sakrifikuan gjithçka, humb kuptimin.
Sot, në Shtëpinë e të Moshuarve në Suharekë, ndamë së bashku dashurinë e ngrohtësinë e festës së Bajramit. Është përgjegjësi njerëzore e shoqërore që askush të mos ndihet i vetmuar në vendin për të cilin dha gjithë jetën.
Faleminderit për mikpritjen dhe zemrën e madhe, Hoxhë Halil Kastrati.
