Kryeministri në detyrë Albin Kurti, së bashku me ministren në detyrë e Ekonomisë, Artane Rizvanolli, si dhe kandidatët për deputetë Gani Krasniqi, Valon Hoti dhe Bylbyl Sokoli, vizituan të hënën klubin e futbollit “FC Malisheva” dhe stadiumin “Liman Gegaj”.
Mbështetja në përmirësim të infrastrukturës sportive do të jetë prioritet, e ndër to është edhe ndriçimi i fushës që do të mundësojë zhvillimin e ndeshjeve edhe në oraret e mbrëmjes.
“FC Malisheva po kalon nga arritjet në kampionatin vendor në gara ndërkombëtare. Vendi i tretë sivjet në Superligë dhe kualifikimi i tretë me radhë në UEFA Conference League. Përgëzime dhe shumë suksese në përfaqësimin e shtetit tonë në këtë ngjarje sportive”, tha kryeministri Kurti.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
