Presidenti i Shteteve të Bashkuara, Donald Trump, ka komentuar çmimet e larta të biletave për ndeshjet e Kupës së Botës, duke shprehur pakënaqësi për koston e tyre të konsiderueshme.
Duke folur për mediat, Trump tha se nuk ishte në dijeni për çmimet e larta të biletave dhe shtoi se “as ai vetë nuk do t’i paguante ato shuma”, duke iu referuar ndeshjes së parë të ekipit të SHBA-së kundër Paraguait që pritet të zhvillohet në Los Angeles në qershor.
Reagimet e tij vijnë në një kohë kur FIFA është përballur me kritika të shumta për çmimet e biletave të turneut, të cilat në disa kategori kanë arritur mbi 1,000 dollarë.
Megjithatë, Trump theksoi se, pavarësisht çmimeve, interesimi për turneun mbetet i lartë dhe shitjet e biletave janë raportuar si shumë të suksesshme nga organizatorët.
