Garda e Nderit e Policisë së Kosovës ka ulur flamurin e SHBA-së në gjysmë-shtizë, që ndodhet pranë shtatores së ish-presidentit Bill Clinton. Nderime flamurit i kanë bërë edhe Zjarrfikësit e Kosovës, të cilët kanë thënë se e bëjnë këtë veprim për t’i nderuar viktimat dhe kolegët e tyre që i kanë ndihmuar njerëzit për të shpëtuar. Në kuadër të aktiviteteve për të kujtuar të rënët e sulmeve terroriste të 11 shtatorit, në Prishtinë u hap një ekspozitë ndërsa po mbahet edhe akademi përkujtimore.
