Të gjitha spitalet e Kosovës janë duke u përballur me mungesa të mëdha të barnave. Kjo jo pse Ministria e Shëndetësisë nuk ka para, por për shkak të neglizhencës për të bërë blerjet e tremujorit të tretë të këtij viti, shkruan sot Koha Ditore.
Gazeta ka mësuar se Ministria e Shëndetësisë ka neglizhuar blerjet që nga muaji qershor. Kjo ka shkaktuar kaos në institucionet publike shëndetësore.
Sipas të dhënave që ka siguruar gazeta, janë dhjetëra kërkesa për blerje të cilat QKUK-ja dhe spitalet rajonale i kanë dorëzuar në MSH që nga 27 qershori. Barnat e kërkuara nuk janë blerë ende, edhe pse tenderët për blerjen e tyre kanë përfunduar.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
