Pas një prononcimi të deputetit të LDK-së Nuredin Ibishi se demarkacioni nuk është në rregull por se një gjë të tillë do ta votojë, ka reaguar edhe shefja e GP të Nismës, Valdete Bajrami.

Ajo ka kërkuar nga Ibishi që  të deklarojë mosvotimin e demarkacionit me Malin e Zi meqë si tha ajo Ibishi e bëri hapin e parë duke treguar publikisht se marrëveshja është e gabuar.

Thaçi e Mustafa, sipas Bajramit janë të zhytur në krim e korrupsion prandaj kërkojnë miratimin e Demarkacionit, në mënyre që siç vlerëson ajo, ta shpëtojnë veten./lajmi.net

Postimi i plotë në Facebook:

RRESHTOHU NË ANËN E ARGUMENTIT QË EDHE VET DEKLAROVE SE DEMARKACIONI NUK ËSHTË NË RREGULL

Të njejtën gjë që po e thot kolegu deputet i LDK-së Nuredin Ibishi se “demarkacioni nuk është në rregull por do ta votoj” në takime të mbyllura në rrethet e tyre të ngushta e pranojnë edhe Isa Mustafa dhe Hashim Thaçi.

Mirëpo të dy edhe Thaçi edhe Mustafa, ngulin këmbë në miratimin e demarkacionit sepse janë të zhytur në krim dhe korrupsion. Pra, ata kërkojnë që për të shpëtuar veten ta dëmtojnë Kosovën.

Koleg deputet Nuredin, duke i treguar publiksht popullit se marrëveshja është e gabuar e ke bërë hapin e parë shumë të rëndësishëm, bëje edhe hapin e dytë dhe deklaro se nuk do ta votosh.

Rreshtohu në anën e argumentit që edhe vet e deklarove se demarkacioni nuk është në rregull!