Ministri i Integrimit, Bekim Çollaku ka bërë me dije se më 5 shtator Komisioni për Liritë Civile, Drejtësi dhe Punë të Brendshme i Parlamentit Evropian do ta ketë në rend dite çështjen e vizave për Kosovën.
Ai ka thënë se shteti i Kosovës është duke pritur vendim meritor dhe pozitiv për vizat.
Çollaku ka thënë për gazetën “Epoka e re”, se është e sigurt se vendimi përfundimtar për liberalizimin e vizave do të merret deri në fund të këtij viti nëse ratifikohet marrëveshja për Demarkacionin me Malin e Zi dhe nëse Bashkimi Evropian zbaton obligimin e vet në raport me Kosovën.
Por, sipas tij, në rast se Kuvendi nuk e ratifikon marrëveshjen e Demarkacionit, mund të ndodhë që procesi të shtyhet për një kohë të pacaktuar.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
