Punonjësi i PTK-së në Ferizaj, N.Q., 49-vjeçar, ka humbur jetën teksa ishte duke punuar në një shtyllë telefoni.
Sipas njoftimit të Policisë në Ferizaj, sot rreth orës 10:00 në lagjen “Vezir Jashari”, tani i ndjeri gjersa ishte duke punuar është rrëzuar për tokë bashkë me shtyllën dhe kishte pësuar lëndime të rënda trupore.
Sipas Policisë, përkundër se tani të ndjerit i ishte dhënë ndihma mjekësore ai nuk ka arritur t’u rezistojë plagëve.
Lidhur me aksidentin është njoftuar edhe Prokuroria Themelore në Ferizaj, e cila i ka ndërmarrë të gjitha veprimet e parapare hetimore, ndërsa në vendin e ngjarjes kanë dalë edhe inspektorët e punës.
