Presidenti i Kosovës, Hashim Thaçi ka thënë se pjesëmarrja e Kosovës në Lojërat Olimpike në Brazil është fitore e madhe e sportit kosovar.
Ai duke komentuar publikimin e listës së sportistëve që do ta përfaqësojnë Kosovën në këto lojëra, ka thënë se ndihet i lumtur që shumica e këtij ekipi është e përbërë nga femrat.
“Ky është ekipi historik i Kosovës në Lojërat Olimpike në Rio të Brazilit. Kosova do të konkurrojë me gjithsej tetë atletë në pesë sporte të ndryshme. Jam posaçërisht i lumtur që shumica e atletëve janë femra. Pjesëmarrja e Kosovës në Rio është fitore e madhe për sportin dhe për forcimin e identitetit shtetëror të Kosovës”, ka shkruar Thaçi në Facebook.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
