Komisioni për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit, në mbledhjen e sotme të kryesuar nga znj. Albulena Haxhiu, kryetare e Komisionit, e caktoi deputetin, Nezir Çoçaj, anëtar ( nga radhët e Kuvendi i Republikës së Kosovës) të Komisionit për kompensimin e viktimave të krimit.
Komisioni diskutoi edhe për rekomandimet buxhetore të institucioneve që bien në fushëveprim të komisionit: Ministria e Drejtësisë, Këshilli Gjyqësor,Instituti Gjyqësor i Kosovës, si dhe Agjencioni për ndihmë juridike falas, transmeton Koha.net.
Anëtaret e komisionit u pajtuan që të përkrahet Ministria e Drejtësisë, me theks të veçantë Avokatura Shtetërore dhe Shërbimi Korrektues. Po ashtu, nga anëtaret e komisionit u përkrah në tërësi Agjencioni për ndihme juridike falas.
Këshillit Gjyqësor, ndërkaq , komisioni i dha përkrahje për pozitat për gjyqtarë dhe për staf administrativ në pjesën veriore të vendit, si dhe për funksionalizimin e degës në Fushë-Kosovë.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
