Kryetari i rizgjedhur i NISMA për Kosovën, Fatmir Limaj përmes një postimi në Facebook ka falënderuar delegatët e partisë së tij për besimin e dhënë.
Ai gjithashtu ka thënë se Kuvendi i parë zgjedhor i Nismës ishte model që i mungonte skenës politike në Kosovë.
“Mirënjohje të thellë për të gjithë socialdemokratët e NISMA-së. I falënderoj me respekt të gjithë delegatët e NISMA për Kosovën, që morën pjesë në Kuvendin e parë Zgjedhor, e që në fakt ishte një Kuvend model që i mungonte skenës sonë politike. Ky Kuvend na dha të gjithëve një arsye më shumë për të qenë krenarë për Nismën. Falënderim nga zemra për të gjithë delegatët që përfaqësonin zërin e mijëra anëtarëve dhe simpatizantëve të Nismës, e të cilët më dhanë besimin e tyre për kryetar të NISMA për Kosovën. Për mua është një arsye më shumë për t’i shërbyer me shpirt familjes sonë socialdemokrate, me ndershmëri, përkushtim e dinjitet”, ka shkruar Limaj.
