Në bulevardin Ilinden në afërsi të Kopshtit zoologjik në Shkup, D.M. (1991) nga Shkupi dje është ndalur në semafor, kurse në atë moment afër veturës së tij ka kaluar një “skuter” (me dy persona),i cili ia ka dëmtuar retrovizorin e djathtë.

Pasi A.M. u ka thënë të ndalen, ata kanë vazhduar të vozisin, kurse A.M. është nisur pas tyre, njoftoi policia.

Pasi i ka arritur, dy personat që kanë qenë në skuter kanë nxjerrë revole dhe i kanë drejtuar në drejtim të veturës.

Në një moment janë dëgjuar krisma në dritaren e prapme të veturës, e cila është copëtuar në grimca të vogla.

Në incident nuk ka të lënduar, edhe pse A.M. ka qenë në veturë me bashkëshorten, fëmijën e tij, vëllain dhe me një mik, shkruan gazeta “Lajm”.