UEFA ngarkon me përgjegjësi federatën shqiptare dhe atë rumune për sjelljen e tifozëve gjatë ndeshjes së të dielës midis Shqipërisë dhe Rumanisë në Lion të Francës.
UEFA thotë se ka hapur procedurat disiplinore kundër Shqipërisë për “pushtimin e fushës” nga tifozët dhe ndriçimin e stadiumit nga hedhja e fishekzjarrëve.
Ndërkohë, tifozët rumunë ndezën fishekzjarrë menjëherë pasi himni i tyre u këndua në stadiumin e Lionit në nisje të ndeshjes së futbollit.
UEFA nuk ka saktësuar se kur paneli disiplinor do të gjykojë rastet. Federatat mund të përballen me sanksione për incidentet, ndërkohë që përmendet si rast edhe shpalosja e një flamuri fyes,transmeton Ora News.
Shqipëria mundi Rumaninë 1-0 të dielën, ndërsa Kombëtarja jonë duhet të presë ditën e mërkurë për të kuptuar nëse do të mund të vazhdojë në fazat e mëtejshme eliminatore.
