Sipas një komunikate dërguar mediave, Kryeministri i Kosovës, Isa Mustafa e ka “liruar nga detyra” ministrin e Mjedisit dhe Planifikimit Hapësinor, Ferid Agani.
Komunikata e shkurtër e kryeministrisë, thotë se lirimi nga detyra është bërë me “kërkesë të Ministrit”
Njoftimi gjithashtu e sqaron se vendimi është marrë sot.
Javën e kaluar, zyra e kryeprokurorit të Kosovës e ka akuzuar zyrtarisht Aganin dhe dhjetëra persona të tjerë me dyshimin se gjatë kohës sa ishte ministër i shëndetësisë, në qeverinë e kaluar, ai e ka keqpërdorur detyrën zyrtare dhe fondet për dërgim të pacientëve nga Kosova për shërim jashtë vendit./rel/
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
