Tri partitë opozitare janë bërë përsëri bashkë në një vendim, që i pret në ditët në vijim.
Ato nuk do e votojnë ratifikim e marrëveshjes mes Kosovës dhe Bashkimit Evropian e që i mundëson vazhdimin e mandatit EULEX-it në Kosovë për të paktën edhe dy vjet.
Lëvizja Vetëvendosje e cila së fundmi i është kthyer Kuvendit, është kundër këtij vendimi dhe deputetët do votojnë kundër miratimit të kësaj marrëveshje.
Frashër Krasniqi nga kjo Lëvizje i ka konfirmuar Tribunës se Vetëvendosje do të votojë kundër kësaj marrëveshje.
“Lëvizja Vetëvendosje ka shprehur qëndrimin e saj kundër vazhdimit të jetëgjatësisë së EULEX-it EULEX-it sepse prania e tij nuk mund të jetë e dobishme në asnjë rrethanë. Sa i përket votimit në Kuvend, Lëvizja Vetëvendosje pa dyshim se do votojë kundër “
E dy partitë e boshtit opozitar AAK dhe Nisma ani pse janë pro vazhdimit të mandatit të EULEX-it,ato nuk pranojnë ti kthehen Kuvendit në ditën kur kjo marrëveshje të vijë për ratifikim.
Pal Lekaj nga Aleanca për Ardhmërinë e Kosovës ka deklaruar se duhet qartësuar veprimtaria e EULEX-it para se ajo të shkojë për ratifikim.
Ai ka konfirmuar se AAK nuk do i kthehet Kuvendit as për këtë votim.
Ndiqeni kroniken e plote/GazetaTribuna/
