Nga sot Asociacioni i Gazetarëve të Kosovës është anëtar i barabartë në International Federation of Journalists. Vendimi është marr në kongresin e 29-të që po mbahet në Angers të Francës.
Kryetari i AGK-së, Shkëqlim Hysenaj thotë se pranimi vjen si rezultat i përmbushjes të së gjitha kritereve të kërkuara.
Asociacioni në këtë kongres përfaqësohet nga Hysenaj dhe anëtari Fidan Rama, ku kanë raportuar në sesionin e parë para komisionit.
“Ky vendim është mundësi shumë e mirë për të fuqizuar organizatën tonë në bashkëpunim ndërkombëtar derisa do t’i hapet rrugë forcimit të rolit të gazetarëve në Kosovë.Në këtë ngjarje të rëndësishme do të jemi prezent edhe gjatë dy ditëve në vijim, deri në zgjedhjen e strukturave të reja të Federatës Ndërkombëtare të Gazetarëve”, thotë Hysenaj.
Federata Ndërkombëtare e Gazetarëve ka rreth 140 shtete anëtare me mbi 60 mijë gazetarë nga e gjithë bota. Faleminderit të gjithë kolegëve për mbështetje.
